ഇത് ഒരു കേക്ക് ഉണ്ടാക്കിയ കഥയാണ്.. ഞാനല്ല! അങ്ങ് വടക്ക് ബോംബെ ഇൽ കിടക്കുന്ന ഒരു മാർവാഡി.!! പുള്ളി കേക്ക് ഉണ്ടാക്കിയാൽ എനിക്കെന്താന്നല്ലേ ?? കാര്യമുണ്ട്.! ആ കേക്ക് എനിക്ക് വേണ്ടി ആയിരുന്നു..!! ഒന്നും മനസിലായില്ല അല്ലെ..!!
ഞാൻ ജനിച്ചിട്ട് 23 കൊല്ലം കഴിഞ്ഞപ്പ്പോൾ ഒരു വല്യ സംഭവം ഉണ്ടായി.. ഈ ചില ഉൽക്ക ഒക്കെ വീഴുമ്പോൾ പറയുന്ന പോലെ ആയുസ്സിൽ ഒരിക്കൽ മാത്രം കാണാൻ കഴിയുന്ന ഒരു പ്രതിഭാസം..!!
കുറച്ചു Build up ഒക്കെ കൊടുത്തു എന്നെ ഉള്ളു.. സംഗതി വേറൊന്നും അല്ല.. എന്ടെ കല്യാണം.!! ഒരു ദിവസം നേരം വെളുത്തപ്പോൾ കൈയിൽ ഒരു മോതിരവും വീണു..!! അങ്ങനെ learner ‘s licence കിട്ടി ഡ്രൈവിംഗ് ടെസ്റ്റ് ഇന്ടെ ദിവസവും കാത്തിരിക്ക്കുമ്പോലാണ് ഈ മോതിരത്തിൽ ഉള്ള ആളുടെ പിറന്നാൾ വരുന്നത്.! അപ്പൊ പിന്നെ ഒന്ന് ഞെട്ടിക്കാൻ തന്നെ തീരുമാനിച്ചു.!
അങ്ങനെയാണ് മുംബൈഇൽ കിടക്കുന്ന പ്രതിശ്രുത വരാന് വേണ്ടി ഒരു birthday കേക്ക് തന്നെ വാങ്ങിക്കാൻ തീരുമാനിച്ചത്.. കുറച്ചധികം പാടുപെട്ടു ആള്ക്ക് ഇഷ്ടപെട്ട flavour ഏതാണെന്ന് മനസിലാക്കാൻ. കക്ഷി അറിയാൻ പാടില്ലല്ലോ നമ്മൾ സർപ്രൈസ് കൊടുക്കുന്ന കാര്യം..! ഒടുക്കം ഒരുമാതിരി വളഞ്ഞു മൂക്ക് പിടിച്ചു ഒരുവിധം സംഗതി ചോർത്തിയെടുത്തു.. ‘ചോക്ലേറ്റ് trouffle ‘ !! ഇനി ഈ പറഞ്ഞ സാധനം എവിടുന്നു ഒപ്പിക്കും?? അങ്ങനെ ഗൂഗിൾ ദൈവങ്ങളെ മനസ്സില് ധ്യാനിച്ച് seachboxil കവടി നിരത്തി നോക്കി.. ദെ കിടക്കുന്നു ഞാൻ മനസ്സില് വിജാരിച്ച സാധനം.!! ‘midnight cakes – midnight delivery @12 Mumbai ‘
അങ്ങനെ അതും ഓക്കേ.! പിന്നൊന്നും ആലോചിച്ചില്ല.. ഫോണ് നമ്പർ തപ്പിയെടുത് വിളിച്ചത് മാത്രമേ എനിക്ക് ഓർമയുള്ളൂ..!!
‘ഹലോ..!’
‘ഹലോ..!’
‘ഈസ് ദിസ് midnight Cakes ? ‘
‘ജി ബോലിയേ.. മി ആപ്കി മദത് കൈസേ കര സക്തി ഹൂൻ ??
അതോടെ ഞാൻ സ്വരുകൂട്ടി വെച്ചിരുന്ന ധൈര്യം മുഴുവൻ ‘ശൂ’ എന്നും പറഞ്ഞു പോയിക്കിട്ടി. ദൈവമേ ഹിന്ദി.! നമുക്ക് വശമില്ലാത്ത ഭാഷ ആയിപ്പോയല്ലോ. രണ്ടാം ക്ലാസ്സിൽ ‘കൌവ കാലി ഹൈൻ ‘ എന്നും പറഞ്ഞു ഇറങ്ങി പോന്നതാണ്. പിന്നെ ഹിന്ദി ഈ കൈ കൊണ്ട് തൊട്ടിട്ടില്ല. ഇപ്പോൾ ബംഗാളികൾ വാനടിനു ശേഷം ഒരു ചായ കുടിക്കാൻ പോലും ഹിന്ദി പഠിക്കേണ്ട അവസ്ഥയാണ് . എന്നിറ്റു പോലും ആനഗ്യഭാഷ കൊണ്ട് കാര്യം സാധിക്കുന എന്നോടാണ് ഇപ്പോൾ ഹിന്ദിയിൽ ഉള്ള ‘ക്യാ ചാഹിയെ.’ അപ്പുറത്ത് നിന്നും നമ്മുടെ മാർവാഡി ഇപ്പോഴും ജലദോഷം പിടിച്ചത് പോലെ എന്ടോക്കെയോ പറയുന്നുണ്ട്. പഞ്ചാബി ഹൌസിൽ പറയുന്ന പോലെ ‘ഞാൻ ചപ്പാത്തി കഴിക്കാറില്ല. . ചോറാണ് തിന്നുന്നത്.. അത് കൊണ്ട് തന്നെ എനിക്ക് ഹിന്ദി അറിയാനും പാടില്ല ‘ എന്ന് പറയാനാന്നു തോന്നിയത്. പക്ഷെ തോറ്റു പിന്മാറാൻ നമ്മൾ തയ്യാരല്ലല്ലോ.! അത് കൊണ്ട് കണ്ടിട്ടുള്ള സകല ഹിന്ദി സിനിമകളെയും മനസ്സിൽ ധ്യാനിച്ച് ഞാൻ കാര്യം പറഞ്ഞു തുടങ്ങി.
‘കേക്ക്.. ഓർഡർ.. മുഝെ..’
‘ക്യാ??’
‘കേക്ക്.. ഓർഡർ.. മുഝെ..18th..midnight ‘
‘…………’
‘ഹലോ’
അങ്ങേരുടെ കിളി പോയി എന്നാണ് തോന്നുന്നത്. നമ്മളോടാ കളി..!
‘ഹലോ മാഡം. കേക്ക് ഓർഡർ കർണാ ഹൈൻ ക്യാ?’
‘യെസ്..യെസ് ‘ ഹോ! എന്ടൊരു സമാധാനം.
details ബതായിയേ’ …
‘details … ഡേറ്റ് : 18th sept
ഡേ :thursday
അഡ്രെസ്സ്: ………….’ ഇതിലും ഭേദം ഒരു ഫോർമൽ ലെറ്റർ അയക്കുകയായിരുന്നു . എന്ടായാലും പുള്ളിക്ക് കാര്യം മനസിലായി.
‘ഓക്കേ madam ! കൌൻ സി കേക്ക് ചാഹിയെ? ‘
‘ചോക്ലേറ്റ് troffle ‘
‘കിത്നെ ബജേ ഡെലിവറി ചാഹിയെ ആപ്കോ??’
‘യെസ്..ഡെലിവറി..!’
”കിത്നെ ബജേ ഡെലിവറി ചാഹിയെ??’
‘……………….’
ഇത്തവണ കിളി പോയത് എന്ടെയാണ്. ഇങ്ങേരു ഇതെന്ടാണ് പറയുന്നത് എന്ന് മനസില്ലവുന്നില്ലല്ലോ..
”madam ..ടൈം..ടൈം..’
‘ടൈം: 03:30PM’
‘ആരെ! വോ ടൈം നഹി മഠം.! ഡെലിവറി ടൈം..!’
അതായിരുന്നോ.! അതിങ്ങേര്ക് നേരെ ചൊവ്വേ ചോദിച്ചു കൂടെ?
‘midnight 12AM on 18th..
‘ഓക്കേ madam . payment …………………..’ പിന്ന്നെ ഒരു മലവെള്ള പാച്ചിലായിരുന്നു . എന്ടാണ് പറഞ്ഞത് എന്ന് അങ്ങേര്ക്കും ദൈവത്തിനും മാത്രമേ അറിയൂ. പക്ഷെ അതിനു മുന്നില് payment എന്നൊരു വാക്ക് പറഞ്ഞത് കൊണ്ട് അതിന്ടെ കാര്യം ആവും എന്ന് മനസിലാക്കി.!
അങ്ങനെ ഒരു വിധം കാര്യങ്ങൾ ഒന്ന് settle ആകി.. ഒരു മഴ പെയ്തു തോർന്ന പോലെ.! കാശ് അവരുടെ അക്കൗണ്ട്ലേക്ക് ട്രാൻസ്ഫർ കൂടെ ചെയ്തു കഴിഞ്ഞപ്പോൾ സമാധാനം ആയി.
പിറ്റേന് ഓഫീസില ഇരിക്കുമ്പോളാണ് ഫോണ് വന്നത്.
‘madam ! midnight കേക്ക് സെ ബാത്ത് കര രഹെ ഹൈൻ.’
തലയിൽ ഒരു ഇടി വെട്ടിയത് പോലെ.! ഇതിനിയും തീര്നില്ലേ?
അഡ്രെസ്സ് verification നു വിളിച്ചതാണ് എന്ന് .’
വീണ്ടും കുറെ ചോദ്യങ്ങള്. എനിക്ക് മനസിലായത് പോലെ ഞാൻ ഉത്തരം കൊടുത്തു.
അവസാനം നമ്മുടെ cliamax ദിവസം വന്നു. എന്ടാനെന്നരിയാത്ത ടെൻഷൻ.! അവർ കേക്ക് എങ്ങാനും സമയത്തിന് എത്തിച്ചില്ലെങ്ങിൽ വിളിച്ചു ഹിന്ദിയിൽ നാല് ചീത്ത വിളിക്കാൻ പോലും പറ്റില്ലല്ലോ എന്ന് ആലോചിച്ചപ്പോൾ ഉള്ള ധൈര്യവും പോയി. 11:45 ആയി.. അവർ അവിടെ എത്തികാനുമോ ആവോ..!
ഒന്ന് വിളിച്ചാലോ? വേണ്ട.. അയാള് ‘കോണ കോണ ‘ ന്നു വല്ലതും ഹിന്ദിയിൽ പറഞ്ഞാൽ പിന്നെ അതിന്ടെ അർഥം തപ്പി നടക്കേണ്ടി വരും..
11:58 ആയി. കേക്ക് കൊടുക്കണ്ട ആളുടെയോ കേക്ക് കഴിക്കേണ്ട ആളുടെയോ ആരുടേയും ഒരു ഫോണ് കാൾ പോലും ഇല്ലാ. അതോടെ ഉറപ്പായി..! അങ്ങെനെ ആ കാര്യത്തില ഒരു തീരുമാനമായി. മാർവാഡി നല്ല അന്ടസ്സായി ഹിന്ദിയിൽ പറ്റിച്ചു.!
അങ്ങനെ ആകെ മൊത്തം ഒരു വേണു നാഗവള്ളി സ്റ്റൈലിൽ ഇരിക്കുമ്പോളാണ് ഫോണ് ബെല്ലടിക്കുന്നത്.
‘എടി.. നീ ഇതെങ്ങനെ ഒപ്പിച്ചു?’
‘……എന്ട് ??’
‘കേക്ക് ..!!! ‘
‘കേക്ക് വന്നോ??? ‘ എന്റെ മുഖത്ത് 100 volt ബൾബ് കത്തി തുടങ്ങി.
‘വന്നു.. ശോ! ഇത് വല്ലാത്ത സർപ്രൈസ് ആയിപോയിട്ടോ..! അതും കറക്റ്റ് timing ..എന്നാലും നീ ഇത്ര ദൂരെ ഇരുന്നു എങ്ങനെ ഇത് ഒപ്പിച്ചു?? ‘
അങ്ങനെ birthday ഞങ്ങൾ ഒരു phone ഇന്റെ അപ്പുറത്തും ഇപ്പുറത്തും ഇരുന്നു കേക്ക് മുറിച് ആഘോഷിച്ചു.! ഈ സംഭവം ഞങ്ങളുടെ ഇടയിൽ എല്ലാവരും പറയുന്ന ആ ‘sync ‘ ഉണ്ടാക്കി എടുക്കാൻ ഒരുപാട് സഹായിച്ചു.. ദൂരങ്ങളെ കുറിച്ച് പരാതി പറയുന്ന ആളുടെ മുന്നില് ദൂരം ഒന്നിനും ഒരു തടസ്സമല്ല എന്ന് കാണിച്ചു കൊടുക്കാൻ എന്നെ സഹായിച്ച ആ മാർവാഡി ചേട്ടന് മനസ്സ് കൊണ്ട് ഞാൻ ‘ശുക്രിയ ‘ പറഞ്ഞു..!
വാൽകഷ്നം : അന്ന് തന്നെ ഞാൻ ഒരു സല്ക്കര്മം കൂടെ ചെയ്തു.!
ഒരു ‘ഹിന്ദി ഭാഷ സഹായി’ ……………